"Я перакананы, што калі ў Беларусі больш не будзедыктатуры, яна будзе і вольная ад смяротнага пакарання... Я думаю, што ў свабодным грамадстве мы адмовімся ад смяротнага пакарання", — адзначае праваабаронца “Вясны”Валянцін Стэфановіч.
У свой час Валянцін Стэфановіч наведваў Сусветныя кангрэсы супраць смяротнага пакаранняі нават сустракаў там людзей, якія правялі ў камеры смяротнікаў доўгі час, але потым былі вызваленыя. А пазней Валянцін сам за сваю праваабарончую дзейнасць трапіў за краты, падчас чаго знаходзіўся ў камерах разам з тымі,каго маглі асудзіць на смерць.
Тым часам некаторыя сваякі асуджаных да расстрэлу ў Беларусі сталі праваабаронцамі і вядомымі абаліцыяністамі(рух за адмену смяротнага пакарання), выступаючы і на міжнародных пляцоўках. Пра іх расказвае каардынатаркампаніі "Праваабаронцы супраць смяротнагапакарання ў Беларусі" Андрэй Палуда.
Праваабаронцы "Вясны" таксама прысутнічалі і на вынясенні смяротных прысудаў у залах судоў.
"Ён плакаў і прасіў яго не забіваць", — узгадвае Валянцін Стэфановіч.
Гэтыя гісторыі апісваюцца на сайце ПЦ "Вясна" — у тым ліку іх стварае журналістка і праваабаронца "Вясны" Дзіяна Пінчук. Дзе мяжа паміж патрабаваннем незаангажаванасці і аб’ектыўнасці ў асвятленні гісторый пра смяротнае пакаранне ды жаданнем прывесці чытачоў да разумення каштоўнасці чалавечага жыцця?
Пра ўсё гэта слухайце ў новым выпуску падкаста "Вясна прыйдзе".
